Pertsona Guztientzako Hezkuntza Eraldatzailea (ETCG) betidanik izan da Hezkuntzarako Mundu Mailako Kanpainaren (CME) lan-ardatz nagusia eta, orobat, gure sarearen helburu eta estrategia bildu duen alorra. Desinformazioari eta mezu polarizatzaileei aurre egiteko tresna da, herritar konprometitu, inklusibo, aktibo, informatu eta kritikoa osatzen lagunduko diguna. Horrez gainera, 2030 Agenda betetzeko lagungarria izango da.

Hezkuntzaren Aldeko Mundu Mailako Astea (SAME) Hezkuntzarako Mundu Mailako Kanpainaren ekintza garrantzitsuenetako bat da. Hezkuntzarako Mundu Mailako Kanpaina (CME) JENDE OROREN HEZKUNTZARAKO ESKUBIDEaren alde lan egiten duen nazioarteko koalizio bat da. Urtero bezala, ODS 4-ren barruan lanean jarraitzen dugu, alegia, “hezkuntza-eredu inklusibo, ekitatibo eta kalitatezkoa garantizatzearekin batera, bizi osorako eta jende ororentzako ikasteko aukerak sustatzearen alde”. Aurten, gainera, ODS 16ren barruan: “gizarte baketsu eta inklusiboak sustatzea dugu helburu, jende ororen justiziarako akzesoa bermatu eta maila guztietan erakunde eraginkor, arduratsu eta inkusiboak sortzeko”.

SAME 2024aren barruan, gorroto adierazpenak, desberdintasunaren onarpena eta gatazken konponbideak jorratuko ditugu. Horri lotuta, hezkuntza komunitatea —ikaslegoa, irakaslegoa, familiak, hiritarrak eta politikoak—trebatu eta hornituko dugu, gizarte eta kultur-mailako zenbait ideia zalantzan jarri eta aldatzeko gauza izan dadin.